Krishtianu Ronaldu JCh-2026 startidan oldin: «Ertaga yangi sahifa ochiladi»
Portugaliya terma jamoasi hujumchisi Krishtianu Ronaldu Jahon chempionati — 2026 doirasidagi DR Kongoga qarshi ilk oʻyin oldidan muxlislarga murojaat yoʻlladi.
«Har safar ushbu libosni kiyganimizda, xuddi birinchi kundagidek gʻurur, ishtiyoq va masʼuliyatni his qilamiz.
Ertaga yangi sahifa ochiladi.
Biz ushbu lahzagacha yetib kelish uchun tinimsiz mehnat qildik, endi mamlakatimiz hamda bizni shu yerda va butun dunyo boʻylab qoʻllab-quvvatlayotgan barcha portugal jamoalari uchun borimizni beradigan vaqt keldi. Biz kabi siz ham ishoning!» — deb yozdi Ronaldu oʻzining X ijtimoiy tarmoqdagi sahifasida.
Eslatib oʻtamiz, Jahon chempionatining 2-turida portugaliyaliklar Oʻzbekiston terma jamoasi bilan (23-iyun), 3-turda esa Kolumbiya bilan (28-iyun) kuch sinashishadi.
