Криштиану Роналду ЖЧ-2026 олдида Португалия халқига миннатдорлик билдирди
Португаллар турнирдаги иштирокини Конго Демократик Республикасига қарши ўйин билан бошлайди.
Футбол
Насрулло Каримов
Журналист
ФОТО: Getty Images
Португалия терма жамоаси ҳужумчиси ва сардори Криштиану Роналду ЖЧ-2026 олдида миллий жамоа мухлисларига қўллаб-қувватлаш учун миннатдорлик билдирди.
«Биз Жаҳон чемпионатига миллионлаб португалияликларнинг кучи билан йўл олмоқдамиз. Биз билан бирга эканлигингиз учун раҳмат», — дея ёзиб қолдирди Роналду ўзининг X ижтимоий тармоқдаги саҳифасида.
Португалия терма жамоаси жорий турнирдаги дастлабки учрашувини гуруҳ босқичи доирасида Конго ДР терма жамоасига қарши ўтказади. Ушбу баҳс 17-июнь куни бўлиб ўтади. «К» гуруҳининг 2-турида Португалия миллий жамоаси Ўзбекистон билан (23-июнь), 3-турда эса Колумбияга қарши (28-июнь) майдонга тушади.