Криштиану Роналду жароҳат олди
Кеча, 28 февраль куни Саудия Арабистони Про-лигасининг 24-тури доирасида «Ан Наср» жамоаси сафарда «Ал Файҳа» меҳмони бўлди. Муросасиз кечган баҳсда меҳмонлар 3:1 ҳисобида ғалаба қозонишди.
«Ан Наср» ҳужумчиси Криштиану Роналду учрашувни асосий таркибда бошлади, бироқ баҳсни яхунига қадар майдонда қола олмади. Ўйиннинг 81-дақиқасида 41 ёшли португалиялик юлдуз ўнг оёғидаги муаммолар сабабли захирага олинди.
Шунингдек, учрашув давомида Роналду 11 метрлик жарима зарбасини амалга оширишда хатога йўл қўйди — унинг зарбаси дарвоза устунининг ёнидан ўтиб кетди. Шунга қарамай, «Ан Наср» ўйинни ғалабага қадар етказиб борди ва муҳим уч очкони қўлга киритди.
Маълумот учун, «Ан Наср» навбатдаги учрашувини 4 март куни сафарда «Ал Васл» жамоасига қарши ўтказади. Ҳозирча португалиялик ҳужумчининг ушбу баҳсда иштирок этиши савол остида турибди.
