Криштиану Роналду: «Португалия билан 3 та соврин ютдим»
Португалия терма жамоаси ҳужумчиси Криштиану Роналду Испанияга қарши баҳсдан сўнг ўз фикрларини билдирди.
"Яхши ўйин ўтказдик. Жамоанинг ўйини ҳам яхши бўлди. Албатта, бундан ҳам яхшироқ ҳаракат қилишимиз мумкин эди, аммо Испания дунёнинг энг кучли жамоаларидан бири. Улар финалгача етиб боради ёки бунга жуда яқин бўлади.
Бундай тарзда мусобақани тарк этганимдан афсусдаман. Аммо майдонда боримни бердим, қўлимдан келган барча ишни қилдим. Виждоним тоза ҳолда кетаяпман. Футболда баъзида ғалаба қозонасан, баъзида эса мағлуб бўласан.
Ҳа, бу менинг сўнгги Жаҳон чемпионатим бўлди. Энди яхшилаб ўйлаш, оилам билан вақт ўтказиш имконим бўлади. Ҳаёт эса давом этади.
Эртага ҳам бугунгидек кайфиятда уйғонаман, чунки қўлимдан келган барча ишни қилдим.
Португалия билан 3 та соврин ютдим. Мендан олдин эса терма жамоа ҳисобида бирорта ҳам соврин йўқ эди. Шунинг учун фақат фахрланишим мумкин.
Евро–2016 ғолиблиги мен учун Жаҳон чемпионати даражасидаги ютуқ бўлиб қолади. Бу тарих ўзгармайди. Эртадан эса янги кун бошланади ва биз олдинга юришда давом этамиз”, - деди Роналду.