Криштиану Роналду “Олтин тўп”ни ким қўлга киритиши кераклигини айтиб ўтди
Футбол
Насрулло Каримов
Журналист
ФОТО: Getty Images
Саудиянинг “Ан-Насср” клуби ҳужумчиси Криштиану Роналду 2025 йилги “Олтин тўп”га ким кўпроқ лойиқлиги ҳақида ўз фикрларини билдирди.
“Менимча, “Олтин тўп”ни майдонда ажралиб турган ва Чемпионлар Лигасида ғалаба қозонган футболчи олиши керак.
Мен индивидуал совринларга аҳамият бермайман. Бироқ Ямалда имконият бор, аммо аниқ фаворит йўқ”, – дейди Роналду.
Маълумот учун, турли нашрлар “Олтин тўп”га асосий даъвогар бўлган қуйидаги футболчиларни тилга олмоқда: Усмон Дембеле (ПСЖ), Ламин Ямал (“Барселона”), Рафинья (“Барселона”) ва Муҳаммад Салоҳ (“Ливерпуль”).