Криштиану Роналду клуб алмаштириш ҳақида ўйламоқда
Нуфузли "Sky Sports" телеканали хабарига кўра, футболчининг 2025-йилги клублар жаҳон чемпионатида иштирок этиш учун бошқа жамоага ўтиш эҳтимоли мавжуд. Манба маълумотларига кўра, 40 ёшли португалиялик 2025-йилги клублар жаҳон чемпионатида қатнашиш учун бошқа клуб билан қисқа муддатли шартнома имзолаш имкониятини кўриб чиқмоқда. Ёши сабабли Роналду, эҳтимол, фақат бу йилги клублар жаҳон чемпионатида ўйнай олади. Кейинги турнир 2029 йилда ўтказилиши сабабли, португалиялик спортчи ўшанда 44 ёшда бўлади.
Роналдунинг "Ал-Наср" билан шартномаси 2025 йил ёзида тугайди ва клуб турнирга йўлланма ола олмади. Шу билан бирга, унинг асосий рақиби Лионел Месси турнирда "Интер Маями" сафида иштирок этади.
Криштиану Роналду миллий терма жамоа учун кетма-кет 22 та гол урган тарихдаги биринчи ўйинчи бўлди. Бундан ташқари, унинг ҳисобида барча мусобақаларда 929 та гол мавжуд.