Крисенсио Саммервилл «Манчестер Юнайтед»га ўтиши мумкин
«Манчестер Юнайтед» клуби «Вест Хэм» қанот ҳужумчиси Крисенсио Саммервиллни ўз сафига қўшиб олиш ҳаракатига тушди. Нидерландиялик вингер учун курашда манкуниянликларга «Тоттенхэм» клуби рақобат туғдириши мумкин. Бу ҳақда TEAMtalk нашри хабар бермоқда.
Манбанинг маълум қилишича, «болғачилар» Саммервиллнинг эҳтимолий трансферига 50 миллион фунт стерлинг (57,5 миллион евро) баҳо қўймоқда. Ҳужумчи якунланган мавсум натижаларига кўра Чемпионшипга маҳкум бўлган «Вест Хэм» сафида қуйи дивизионда ўйнашни истамаяпти. «Манчестер Юнайтед» 24 ёшли футболчини жамоани тарк этиши кутилayotgan вингер Маркус Решфордга ўринбосар сифатида кўриб чиқмоқда.
Ортда қолган мавсумда Саммервилл барча турнирларда жами 34 та учрашувда майдонга тушиб, 7 та гол урди ва 5 та голли узатмани ўз ҳисобига ёздириб қўйди. Футболчининг клуб билан амалдаги шартномаси 2029 йилнинг ёзига қадар мўлжалланган. Transfermarkt портали тақдим этган маълумотларга кўра, вингернинг айни дамдаги бозор баҳоси 35 миллион еврони ташкил этади.
