КО‘ЖЧ иштирокчилари сони 48 тага етказилиши мумкин — FIFA
Турнирнинг амалдаги чемпиони “Челси” ҳисобланади.
ФОТО: Getty Images
FIFA 2029-йилда бўлиб ўтадиган Клублар ўртасидаги Жаҳон чемпионати иштирокчилари сонини амалдаги 32 тадан 48 тага ошириш масаласини кўриб чиқмоқда.
Маълумотларга кўра, бундай қарор турнирнинг тижорий муваффақияти ҳамда мусобақада иштирок эта олмаган қатор йирик Европа клубларининг мурожаатларидан сўнг муҳокама қилинмоқда. Иштирокчилар сонининг кўпайтилиши кўпроқ кучли жамоаларга турнирда қатнашиш имкониятини яратиши кутилмоқда.
Шунингдек, янги формат доирасида бир мамлакатдан иштирок этадиган клублар сонига оид чекловларни юмшатиш масаласи ҳам муҳокама қилинмоқда. Ҳозирча FIFA томонидан ушбу ўзгаришлар юзасидан якуний қарор расман эълон қилинмаган.
Насрулло Каримов
Журналист