«Ковентри Сити» 80 йиллик рекордни такрорлади

Англия чемпионати

25.10.2025, Як.

Ковентри Сити

3

Уотфорд

1

Фрэнк Лэмпард бошқарувидаги «Ковентри Сити» Чемпионшипнинг 12-турида «Уотфорд» устидан 3:1 ҳисобида ғалаба қозонди.

Бу ғалаба «Челси» ва Англия миллий жамоасининг собиқ футболчиси бошчилигидаги жамоага мавсумнинг илк 12 учрашувида жами 34 та гол уриш имконини берди.

Шу тариқа, «Ковентри» 1965/66 йилги мавсумдаги «Вулверхэмптон»дан кейин бундай натижага эришган илк жамоа бўлди.

Иккинчи дивизион тарихида 12 та старт баҳсида энг кўп гол урган жамоа сифатида «Блэкберн Роверс» рекорди ҳамон янгиланмаган — 1954/55 йилги мавсумда клуб рақиблар дарвозасини 38 марта ишғол этган эди.

Маълумот учун, «Ковентри Сити» ҳозирда 28 очко билан Чемпионшип турнир жадвалида пешқадамлик қилмоқда.

Насрулло Каримов

Журналист