«Ковентри» Райт учун «Вест Хем»дан 200 млн фунт сўради
Лондоннинг «Вест Хем» клуби қишки трансферлар ойнаси арафасида ҳужум чизиғини кучайтириш устида иш олиб бормоқда ва аллақачон бир нечта йўналиш бўйича вариантларни кўриб чиқишни бошлаган. Бу ҳақда The Telegraph нашри хабар бермоқда.
Манбага кўра, «болғачилар» «Вулверхемптон» ҳужумчиси Йорген Ларсен номзодини ўрганмоқда. Бироқ норвегиялик футболчига «Кристал Пэлас» ҳам қизиқиш билдирган, «бўрилар» эса аввалроқ уни 55 млн фунт стерлинг эвазига сотишдан бош тортган.
«Вест Хем»нинг шорт-листидан «Ковентри» ҳужумчиси Эллис Симмс ҳам жой олган, аммо Чемпионшип етакчиси ўзининг асосий футболчиларидан бири билан хайрлашишни истамаяпти.
Шунингдек, «Вест Хем» Хажи Райт бўйича ҳам сўров юборган. Бироқ «Ковентри» бу борада жуда қатъий позицияни эгаллади. Жорий мавсумда 18 ўйинда сакккизта гол урган футболчи трансфери бўйича клуб 200 млн фунт стерлинг миқдорида товон пули талаб қилди. Бу эса мазкур трансфер масаласига амалда нуқта қўйди.
