«Ковентри» Опендaни ўз сафига қўшиб олмоқчи
Англия Премьер-лигасига чиққан “Ковентри” АПЛ старти олдидан таркибни кучайтиришга ҳаракат қилмоқда. La Gazzetta dello Sport нашрининг хабар беришича, клуб ижара асосида Туриннинг “Ювентус” клубида тўп сураётган Белгия терма жамоаси ҳужумчиси Луа Опендaни ўз сафига қўшиб олмоқчи.
Манба маълумотларига кўра, “Ковентри” вакиллари унинг Туриндаги ҳолатига ойдинлик киритиш учун футболчи билан боғланган. Хабар қилинишича, инглиз клубида футболчи билан сотиб олиш имконияти ёки мажбурияти билан ижара шартномасини тузиш имконияти бор. Лемпард Опендaни юқори баҳолайди ва уни сотиб олишдан манфаатдор.
26 ёшли белгиялик футболчи Италия клубини трансферидан бир йил ўтиб тарк этиши мумкин.
Опенда “Ювентус” сафида барча мусобақаларда 34 та ўйин ўтказиб, иккита гол урган. Ўтган ёзда туринликлар ҳужумчини “Лейпциг”дан 42,75 миллион евро эвазига сотиб олиш мажбурияти билан ижарага олганди.
