«Коринтианс» Мемфис Депай билан шартномани узайтирмайди
Футболчининг амалдаги шартномаси 2026 йил 31 июлда якунланган.
ФОТО: Getty images
«Коринтианс» 32 ёшли ҳужумчи Мемфис Депай билан шартномани узайтирмасликка қарор қилди. Бразилия клуби бу қарорни расмий равишда эълон қилди.
«Коринтианс»нинг баёнотида таъкидланишича, қарор фақат клубнинг молиявий ҳолати билан боғлиқ. Раҳбарият мавжуд ресурслардан фойдаланишда қатъий мувозанат ва масъулиятни сақлаш зарурлигини қайд этган.
Депай «Коринтианс» сафида 2024 йил сентябридан буён тўп тепиб келаётган эди. У клуб таркибида барча мусобақаларда 79 та учрашув ўтказиб, 20 та гол ва 15 та голли узатма қайд этди.
Маълум бўлишича, футболчининг амалдаги шартномаси 2026 йил 31 июлда якунланган ва янги битим имзоланмаган.
Розикжон Султонмуродов
Журналист