Конте «МЮ»ни бошқариш учун ўз шартини маълум қилди
Бу ҳақда TEAMtalk хабар берди.
Фото Getty Images
Италиялик мураббий Антонио Конте вакиллари «Манчестер Юнайтед» раҳбарияти билан алоқаларни қайта тиклади. Бу ҳақда TEAMtalk хабар берди.
Маълум қилинишича, Конте «қизил иблислар» сафида зудлик билан иш бошлашга тайёр. У ўтган мавсум якунида «Наполи»ни тарк этганидан буён ишсиз қолмоқда.
Қайд этилишича, мутахассис мавсум ўртасида ҳам иш бошлашга рози. Конте сўнгги интервюсида катта тарихга эга ва аввалги даражасига қайтишни истаган клубни бошқаришга тайёрлигини билдирган эди.
Бироқ италиялик мураббий тайинланган тақдирда, қишки трансфер ойнасида жамоани уч нафар янги футболчи билан кучайтиришни талаб қилади.
Маълумот ўрнида, «қизил иблислар» бу мавсум АПЛнинг 6 та учрашувида атиги 6 очко жамғарди.
