КОНМЕБОЛ президенти 2030-йилги Жаҳон чемпионатини 64 та жамоа билан ўтказишни таклиф қилди
ФОТО: Getty Images
Жанубий Америка футбол конфедерацияси (КОНМЕБОЛ) президенти Александро Домингес Халқаро футбол федерациясига (ФИФА) 2030-йилги Жаҳон чемпионати иштирокчилари сонини 64 тага етказиш таклифи билан мурожаат қилди.
2030-йилги Жаҳон чемпионатига Испания, Португалия ва Марокаш мезбонлик қилади. Шунингдек, мундиалнинг очилиш ўйинлари Уругвай, Аргентина ва Парагвайда бўлиб ўтади.
"Ишончимиз комилки, 100 йиллик юбилей ноёб бўлади, чунки 100 йил фақат бир марта келади. Шунинг учун биз ушбу турнирни бир вақтнинг ўзида учта қитъада 64 та жамоа иштирокида ўтказишни таклиф қиламиз", - дейди Домингес.
Эслатиб ўтамиз, 1998-йилдан бошлаб Жаҳон чемпионатларида 32 та жамоа иштирок этиб келаётганди. 2026-йилги мундиалда эса жамоалар сони 48 тага етказилди.
Насрулло Каримов
Журналист
