КОНКАКАФ Чемпионлар Лигаси: Месси ва «Интер Майами» ярим финалда тўхтади
Расм: gettyimages.com Лионел Месси
КОНКАКАФ Чемпионлар Лигаси ярим финал жавоб учрашувида «Интер Майами» ўз майдонида Канада клуби «Ванкувер Уайткэпс»ни қабул қилди. Беллашув америкаликлар учун омадсиз якунланди — 1:3.
Биринчи ўйин ҳам канадаликлар ғалабаси билан тугаган эди — 2:0. Икки учрашув натижасига кўра, «Ванкувер» умумий 5:1 ҳисобида финалга йўл олди. Шу тариқа, Лионел Месси бошчилигидаги жамоа мусобақани ярим финалда тарк этди.
Жавоб ўйинидаги голлар:
Алба, 9’ — 1:0
Вайт, 51’ — 1:1
Вите, 53’ — 1:2
Берхалтер, 71’ — 1:3
Ярим финалнинг иккинчи жуфтлигида Мексиканинг «Крус Асул» ва «Тигрес» жамоалари тўқнаш келади. Жавоб учрашуви 2 май куни Тошкент вақти билан соат 07:00 да старт олади. Биринчи беллашув 1:1 ҳисобида якунланган.
Бакрадзе Иман
Редактор