Конате учун 4 та жамоа даъвогарлик қилмоқда
«Ливерпуль» ҳимоячиси Ибраима Конатега бирданига бир нечта клуб қизиқиш билдирмоқда. Бу ҳақда L’Equipe нашри хабар бермоқда.
Аввалроқ 27 ёшли футболчи «қизиллар» билан шартномани узайтириш борасида келиша олмагани ва Англия жамоасини эркин агент сифатида тарк этиши ҳақида хабар берилганди.
Франциялик футболчига яқин манбалар музокаралар боши берк кўчага кириб қолгани ва келишувга эришилмаслигини таъкидламоқда.
Нашрнинг қайд этишича, ушбу вазият Конатенинг шартномаси тузилиши ва суммалари борасидаги ички келишмовчиликлар, шунингдек, «Ливерпуль»нинг муваффақиятсиз мавсуми туфайли юзага келган.
Бундан аввал ҳимоячини ўз сафига қўшиб олиш учун энг катта имконият «ПСЖ»да эканлиги ҳақида маълумот пайдо бўлганди. Унга «Реал», «Бавария» ва «Челси» ҳам футболчи учун курашга қўшилган.
