Конате: «Энфилд»да мўъжиза кўрсата олишимизга ишонган эдик, бироқ яна икки марта гол ўтказиб юбордик»
«Ливерпуль» ҳимоячиси Ибраима Конате Чемпионлар Лигаси чорак финали доирасида «ПСЖ»га қарши кечган жавоб учрашувидан (0:2) сўнг ўз фикрлари билан ўртоқлашди.
«ПСЖ» ўз уйида кўплаб вазиятлар яратди ва икки бор гол урди, бироқ биз «Энфилд»да мўъжиза кўрсата олишимизга ишонаётган эдик. Бу ерда ҳам кўп вазиятларга эга бўлдик, лекин яна икки марта гол ўтказиб юбордик. Бу жуда ачинарли, аммо футбол шундай. «ПСЖ» ҳозир ўтган мавсумдагидан ҳам кучлироқ ва уларга қарши бундай ўйин кўрсатиш... Биз мағлуб бўлдик, бироқ бундан тўғри хулоса чиқариб, қандай даражага чиқа олишимизни тушуниб етишимиз керак. Чемпионлар Лигасида иштирок этиш — «Ливерпуль» учун минимал талаб. Олдимизда яна олтита ўйин бор. Англия Премьер-лигаси қанчалик қийин эканлигини биламиз, аммо келаси мавсумда ҳам Чемпионлар Лигасига йўлланма олиш учун бор кучимизни ишга солишимиз шарт», — деди Конате.
Икки ўйин натижасига кўра «ПСЖ» Англия клубини 4:0 ҳисобида мағлуб этди ва яримфиналга йўл олди. Энди парижликлар финал йўлида «Реал Мадрид» — «Бавария» жуфтлиги ғолиби билан куч синашади. «Ливерпуль» эса мусобақадаги иштирокини якунлади.
