Kompani: «Луис Энрикенинг жамоалари ўзига хос таркибга эга»
Мюнхеннинг «Бавария» клуби бош мураббийи Венсан Компани УЕФА Чемпионлар Лигаси 1/2 финали доирасида «Пари Сен-Жермен»га қарши бўлиб ўтадиган биринчи ўйин ҳақида ўз фикрлари билан ўртоқлашди. Учрашув бугун, 28 апрел куни бўлиб ўтади.
«Ҳар иккала жамоа ҳам ўйинга жуда ижодий ёндашади, бу айниқса позиция танлаш ва ечимлар излашда яққол кўзга ташланади. Ҳамма гап деталлар, интенсивлик ва энергияда. Биз «ПСЖ» билан аллақачон тўртинчи бор тўқнаш келмоқдамиз, бу рақибга қарши ўйин тажрибасига эгамиз, бироқ улар ҳам биз ҳақимизда шундай дейишлари мумкин.
Луис Энрике шунчақи ақл бовар қилмайдиган ишни амалга оширмоқда. Улар ўтган мавсумда Чемпионлар Лигасида ғолиб чиққанлари мен учун умуман ажабланарли бўлмади. Луис Энрике жамоаларининг ўзига хос «суяги» (пойдевори) бор. У бошқараётган футболчилар доимо югуришга ва курашишга тайёр, унинг барча жамоаларида шундай бўлган, бу эса ҳурматга лойиқ.
Ушбу учрашувда ғалаба қозониш учун қандайдир сеҳрли ечим мавжуд эмас. Бизнинг устунлигимиз шундаки, «ПСЖ» билан кўп марта тўқнаш келганмиз, аммо айтганимдек, бу ҳар икки томон учун ҳам амал қилади. Биз рақибга қандай босим ўтказишни биламиз. «Пари Сен-Жермен» позицион ўйинга урғу бериб ҳаракат қилишни билади, лекин бу бизни чалғита олмайди. Уларинг ҳар бир позициясида катта маҳорат эгалари тўп суради. Бироқ худди шу гапни бизнинг жамоамиз ҳақида ҳам айтиш мумкин», — дея Компанийнинг сўзларини келтирмоқда УЕФА расмий сайти.
