Компани: «Бизда вазиятлар унчалик кўп бўлмади»
«Бавария» ўз майдонида норвегияликларни йирик ҳисобда мағлуб этди.
ФОТО: Getty images
Чемпионлар лигаси
10.09.2026, Як.
Бавария
5
Bodoe/Glimt
0
«Бавария» клуби бош мураббийи Венсан Компани Чемпионлар лигасининг умумий босқичидаги илк учрашувдан сўнг ўз фикрлари билан ўртоқлашди. Немис гранди Норвегиянинг «Буде-Глимт» жамоасини 5:0 ҳисобида йирик мағлубиятга учратди.
«Биринчи бўлимни «Шальке»га қарши ўйиндаги биринчи бўлим билан таққослаш мумкин. Жамоа сабр билан ҳаракат қилиши керак эди. Бизда вазиятлар унчалик кўп бўлмади, гарчи гол уриш имконияти бўлган эпизодлар ҳам учраган бўлса-да.
Танаффусдан кейин керакли вақтда ҳисобни очдик, шундан сўнг бошқа голлар ҳам киритилди. Бу муносиб ғалаба бўлди», — деди бельгиялик мутахассис.
«Бавария» Чемпионлар лигасидаги кейинги учрашувини ҳам Норвегияда ўтказади. Мюнхен клуби сафарда «Викинг»га қарши майдонга тушади.
