«Комо» таркибини бразилиялик ҳимоячилар билан кучайтирмоқчи
Сеск Фабрегас бошқарувидаги Италиянинг «Комо» клуби ёзги трансфер ойнасида таркибни жиддий равишда кучайтиришни мақсад қилган. Сабаби, жамоа янги мавсумда ўз тарихида илк бор УЕФА Чемпионлар Лигасида иштирок этади. Insider Фабрицио Романонинг ижтимоий тармоқларда тарқатган хабарга кўра, клуб раҳбарияти таркибни шакллантириш учун икки нафар футболчи нишонни белгилаб олган.
Фабрегас жамоада бразилиялик ҳимоячилар дуэтини ташкил этишни режалаштирмоқда. Унинг рўйхатидан «Крузейро» аъзоси Кайки ҳамда Дортмунднинг «Боруссия» клуби ҳимоячиси Ян Коуту ўрин олган. Трансфер бозорида Кайкининг баҳоси 14 миллион евро, Коутунинг қиймати эса 17 миллион евро этиб белгиланиши кутилмоқда.
Маълумот учун, Сеск Фабрегас 2024 йилнинг 19 июлида «Комо» бош мураббийи этиб тайинланган эди. У клуб билан 2028 йилнинг июнига қадар мўлжалланган тўрт йиллик узоқ муддатли шартнома имзолаган.
