«Комо» Роналдуга шартнома таклиф қилмоқчи
Футболчининг катта маоши ҳам клуб эгалларига муаммо бўлмайди.
ФОТО: Getty images
Бойкот фонида Криштиану Роналдунинг ёзда "Ан-Наср"ни тарк этиши ҳақидаги хабарлар тарқалди. The Sun нашри хабар беришича, португалиялик 41 ёшли форвард А Серияга йўл олиши мумкин.
Унга “Комо” қизиқмоқда. Клубнинг индонезиялик миллиардерлари Роналдуга шартнома таклиф қилишга тайёрланмоқда. Футболчининг катта маоши ҳам клуб эгалларига муаммо бўлмайди.
Шунингдек, “Интер Майами” ҳам унга қизиқмоқда. Дэвид Бекҳэмнинг шахсан ўзи Криштианунинг трансфери бўйича музокара ўтказишга тайёр.
Эслатиб ўтамиз, Криштиану Роналду аввалроқ А Серияда "Ювентус" шарафини ҳимоя қилган.
Розикжон Султонмуродов
Журналист