“Комо” Мойзе Кин учун иккинчи таклифни тайёрламоқда
Италиянинг “Комо” клуби “Фиорентина” ҳужумчиси Мойзе Кинни ўз сафига қўшиб олиш ниятидан қайтмаган. Фабрицио Романо маълумотига кўра, Сеск Фабрегас жамоаси 26 ёшли футболчи учун иккинчи таклифни тайёрламоқда.
“Комо”нинг дастлабки таклифи 30 миллион еврони ташкил этган. Шундан 5 миллион евро ижара учун, қолган 25 миллион евро эса кейинчалик мажбурий сотиб олиш шарти асосида тўланиши кўзда тутилган эди.
“Фиорентина” бу таклифни рад этди, бироқ музокаралар тўхтамаган. “Комо” яқин вақт ичида яхшиланган шартлар билан яна мурожаат қилиши кутилмоқда. Ҳозирча янги таклифнинг аниқ суммаи маълум эмас.
Маълумот учун, Кин 2026/27-йилги мавсумда Италия кубогида битта учрашув ўтказиб, гол уришга улгурган. Унинг “Фиорентина” билан шартномаси 2029-йил 30-июнга қадар амал қилади, Transfermarkt эса футболчининг бозор қийматини 32 миллион еврога баҳоламоқда.
