«Комо» Делап бўйича музокараларни бошлади
«Комо» клуби «Челси» ҳужумчиси Лиам Делапни таркибига қўшиб олиш учун дастлабки қадамни ташлади. Бу ҳақда инсайдер Фабрицио Романо X ижтимоий тармоғида хабар берди.
Манбага кўра, 23 ёшли англиялик футболчи «Комо»нинг марказий ҳужумчи позицияси учун тузилган қисқа рўйхатидан ўрин олган. Итальян клуби Делапни жамоа ҳужум чизиғини кучайтириш учун асосий номзодлардан бири сифатида кўрмоқда.
«Комо» ва «Челси» ўртасидаги муносабатлар ҳам жуда яхши даражада. Бунга жорий трансфер ойнасида ҳимоячи Трево Чалобанинг Лондон клубидан «Комо»га ўтиши ҳам сабаб бўлган.
Қайд этилишича, Делап яқин икки ҳафта ичида «Челси»ни тарк этиши мумкин.
Лиам Делап ўтган ёзда «Ипсвич»дан «Челси»га кўчиб ўтган эди. У ўтган мавсум Англия Премьер-лигасида 28 та учрашувда майдонга тушиб, 1 та гол урди ва 1 та голли узатмани амалга оширди.
