Коман — «Ан-Наср» футболчиси (Романо)
Фото: Getty Images
"Бавария" юлдузи Кингсли Коман 30 млн евро эвазига Саудия Арабистони жамоаси аъзосига айланди. Бу ҳақда инсайдер Фабрицио Романо хабар берди.
Манбага кўра, трансфер қиймати тахминан 30 миллион еврони ташкил этади. Футболчининг ўзи йилига 25 млн евро атрофида маош олиши кўзда тутилган.
Франция терма жамоаси вингери фаолияти мобайнида 30 та совринни қўлга киритган. Улар орасида ЕЧЛ, УЕФА Суперкубоги, Миллатлар Лигаси, КЖЧ, шунингдек, Германия, Италия ва Франция чемпионати ғолиблиги.
29 ёшли футболчи ўтган мавсум мюнхенликлар либосида 45 ўйинда "9+6" натижани кўрсатган эди.
Розикжон Султонмуродов
Журналист