Коло Муани яна «Ювентус»га қайтди — Скира
Франциялик ҳужумчи Рандаль Коло Муани «ПСЖ» клубидан «Ювентус»га ижара асосида ўтди. Бу ҳақда журналист Николо Скира хабар берди.
Манба маълумотига кўра, туринликлар футболчини ижарага олиш учун 4 миллион евро тўлайди. Шунингдек, келишувга кўра, «Ювентус»да Коло Муанини 34 миллион еврога мажбурий сотиб олиш шарти мавжуд. Бундан ташқари, жамоа келаси мавсум якунида Чемпионлар лигаси йўлланмасини қўлга киритса, яна 12 миллион евро бонус тўланади.
Агар келишувнинг барча шартлари бажарилса, франциялик футболчи 2031 йилгача амал қиладиган шартнома имзолайди. Унинг йиллик маоши 5 миллион евро ҳамда бонуслардан иборат бўлади.
Коло Муани 2023 йилда Германиянинг «Айнтрахт» клубидан 95 миллион евро эвазига «ПСЖ»га ўтган эди. Ўтган мавсумни у ижара асосида Англиянинг «Тоттенхэм» жамоасида ўтказди.
Футболчи аввал ҳам 2025 йил январидан июлигача «Ювентус» сафида тўп сурган. У ўша даврда 22 та учрашувда майдонга тушиб, 10 та гол урган ва 3 та голли узатма амалга оширган.
