Коке: «Ўйин яқинлашгани сари, худди ўзиң ёқтирган қиз билан биринчи учрашувга чиққандай ҳис қиласан»
Мадриднинг «Атлетико» клуби сардори Коке Ресуррекён Чемпионлар Лигаси яримфинали олдидан ўз туйғулари билан ўртоқлашди. Бугун, 29 апрель, чоршанба куни Испания клуби ушбу босқичнинг дастлабки ўйинида Лондоннинг «Арсенал» жамоасига қарши майдонга тушади. Баҳс Тошкент вақти билан тун соат 00:00 да (30 апрелга ўтар кечаси) старт олади.
«Ўйин яқинлашгани сари, худди ўзиң ёқтирган қиз билан биринчи учрашувга чиққандай, қорнингда «капалаклар учаётганини» ҳис қиласан. Чиғал ёзди машғулотларига чиққанингда эса, буларнинг барчаси ўтиб кетади. Сен яримфиналда иштирок этаётганингдан завқланиб ўйнайсан. Биз ушбу ўйинга катта қувонч билан ёндашмоқдамиз», — дея Кокенинг сўзларини келтиради AS нашри.
Эслатиб ўтамиз, «Атлетико» 1/4 финал босқичида икки ўйин натижасига кўра «Барселона»ни 3:2 ҳисобида мағлуб этган эди.
