Клюверт транспорт воситасини бошқариш ҳуқуқидан маҳрум қилинди
Эндиликда футболчи олти ой давомида автомашина бошқара олмайди.
ФОТО: Getty Images
26 ёшли нидерландиялик футболчи Жастин Клюверт Англияда транспорт воситасини бошқариш ҳуқуқидан маҳрум қилинди. Бу ҳақда The Sun нашри хабар бермоқда.
Манбага кўра, «Борнмут» ҳужумчиси сўнгги ой ичида икки марта тезликни оширгани учун полиция томонидан тўхтатилган. Бунгача эса Клюверт Европада ўйнаган даврида тўққиз марта жаримага тортилгани аниқланган.
Эндиликда футболчи олти ой давомида автомашина бошқара олмайди. Шунингдек, у жарима ва суд харажатларини тўлаши керак бўлади. Ҳужумчининг адвокати Веймутдаги маҳаллий судда Клюверт ўз айбини тан олганини ва жазони қабул қилганини маълум қилди.
Маълумот учун, Клюверт жорий мавсум «Борнмут» сафида жами 9 та ўйинда майдонга тушиб, 1 та гол муаллифи бўлди.
Насрулло Каримов
Журналист
