Клопп Клублар ўртасидаги Жаҳон чемпионатини танқид қилди
Фото: Getty Images
"Ливерпуль" собиқ бош мураббийи Юрген Клопп АҚШда давом этаётган клублар ўртасидаги ЖЧнинг янги форматини танқид қилди.
"Футболдаги энг ёмон ғоялардан бири. Футболчилар нафақат жисмонан, балки, руҳан ҳам тиклана олишмаяпти. Келаси мавсумда мислсиз жароҳатлар кўп бўлишидан қўрқяпман.
Дам олиш ҳам керак. Акс ҳолда ҳеч ким юқори даражада ва узоқ муддат меҳнат қила олмайди. Шу орқали маҳсулот ҳам ўз қадриятини йўқотади", - деди Клопп.
Аввалроқ “Барселона” ҳужумчиси Рафинья ҳам турнирни танқид остига олганди.
Розикжон Султонмуродов
Журналист