Клопп Германия терма жамоаси бош мураббийига айланди – Романо
Германиялик мутахассис Юрген Клопп расман Германия миллий терма жамоаси бош мураббийи этиб тайинланди. Бу ҳақда журналист Фабрицио Романо маълум қилди.
Манбага кўра, Клоппнинг узоқ муддатли шартномаси ҳамда унинг Red Bull тизимидан кетиши билан боғлиқ айрим тафсилотлар ҳали ҳам муҳокама қилинмоқда. Бироқ 59 ёшли мураббий Бундестимни бошқариши аниқ.
Клопп 2025 йилдан буён Red Bull компаниясида халқаро футбол алоқалари бўйича директор лавозимида фаолият юритиб келаётганди. Унинг мазкур ташкилот билан шартномаси 2029 йил охиригача амал қиларди. Бундан аввал эса у 2015–2024 йиллар давомида Англиянинг «Ливерпуль» клубини бошқарган.
Эслатиб ўтамиз, 3 июль куни Германия футбол иттифоқи (DFB) Юлиан Нагельсман билан тузилган шартномани муддатидан аввал бекор қилганини эълон қилиб, Юрген Клопп билан музокаралар ўтказиш нияти борлигини маълум қилган эди.
