“Кичик Месси” лақабли 15 ёшли иқтидор “Манчестер Юнайтед”ни тарк этишни сўради
“Манчестер Юнайтед”нинг 15 ёшли иқтидорли футболчиси клубни тарк этишни сўради
“Манчестер Юнайтед” академиясининг энг катта иқтидорларидан бири ҳисобланган 15 ёшли Жей-Жей Габриэл клубни тарк этиш истагини расман билдирди. “Кичик Месси” лақаби билан танилган футболчи рўйхатдан ўтказилган мақомини зудлик билан бекор қилиб, эркин агентга айланишни сўраган. Бу ҳақда The Telegraph хабар бермоқда.
Манбага кўра, Габриэл ҳозирча бошқа клубга дарҳол ўтишни режалаштирмаяпти. У 11 ёшидан буён “Манчестер Юнайтед” тизимида фаолият юритиб келмоқда. Ёш футболчининг кутилмаган қарори клуб раҳбариятини жиддий ҳайратга солган.
“Манчестер Юнайтед” эса вазиятни ҳали якунланган деб ҳисобламаяпти. Клуб Габриэл ва унинг вакиллари билан музокара олиб бориб, футболчини қолишга кўндиришга умид қилмоқда. 15 ёшли ҳужумчи сўнгги йилларда академиянинг энг истиқболли тарбияланувчиларидан бири сифатида тилга олиниб келган.
Маълумот учун, Габриэл аввалги мавсумда ёшлар даражасида 31 учрашувда 25 та гол урган. Яқинда у UEFA Ёшлар лигасидаги дебютида ҳам хет-трик қайд этган ва “Манчестер Юнайтед”нинг асосий жамоасига яқинлаштирилаётган футболчилардан бири ҳисобланарди.
