Кьезага А Серия ва Ла Лигададан қизиқиш бор
Бироқ италиялик футболчи «Ливерпуль»да қолмоқчи.
ФОТО: Getty Images
«Ливерпуль» ҳужумчиси Федерико Кьезага бир қатор клублар томонидан жиддий қизиқиш билдириляпти. Бу ҳақда таниқли спорт журналисти Николо Скира ўзининг ижтимоий тармоқларда берган маълумотида айтиб ўтди.
Унинг ёзишича, италиялик футболчини А Сериянинг икки жамоаси ва Ла Лиганинг бир клуби кузатиб бормоқда.
Шунга қарамай, Кьеза трансфер вариантларини кўриб чиқишни истамаяпти ва «Ливерпуль»да қолишни афзал кўрмоқда. Италиялик футболчи 2024 йил ёзида «Ювентус»дан инглиз клубига кўчиб ўтган эди. Унинг йиллик 5 миллион евро маошни ўз ичига олган амалдаги шартномаси 2028 йил ёзигача мўлжалланган.
Ҳозирги 2025/26 йилги мавсумда Кьеза учта турнир доирасида 15 та ўйин ўтказиб, беш марта рақиб дарвозасини ишғол қилган.
Насрулло Каримов
Журналист
