Кьеза «Ливерпуль»дан кетиши мумкин
«Ливерпуль» ҳужумчиси Федерико Кьеза жорий мавсум давомида клубни тарк этиши мумкин. Италиялик футболчи ҳозирга қадар мушак жароҳати сабаб майдонга тушмади.
Calciomercato маълумотига кўра, «қизиллар» 28 ёшли вингерни январь ойида очиладиган қишки трансфер ойнаси вақтида сотувга қўйиши эҳтимоли юқори. «Ливерпуль» футболчи учун тахминан 15 миллион евро олишни истамоқда.
Кьезага Италиянинг икки етакчи клуби — Миланнинг «Интер»и ва «Наполи» қизиқиш билдирмоқда. Бироқ потенциал харидорлар учун асосий муаммолардан бири футболчининг маоши бўлиши мумкин. Кьеза Англияда бир мавсум учун солиқлардан кейин тахминан 7 миллион евро ишлаб топади.
Федерико Кьеза «Ливерпуль»га 2024 йил август ойида «Ювентус»дан кўчиб ўтган. Айнан шу трансфердан кейин италиялик футболчи Англия клубида ўзини тўлиқ намоён қилишда қийинчиликларга дуч келмоқда.
