Кевин Де Брюйне: «Лука Модрич — сўнгги 20 йилликнинг энг яхшиларидан бири»
«Наполи» яримҳимоячиси Кевин Де Брюйне Италия А Сериясининг 31-туридан ўрин олган «Милан»га қарши баҳс олдидан рақиб жамоа хавбеки Лука Модрич ҳақида ўз фикрларини билдирди. Жамоалар ўртасидаги учрашув душанба, 6 апрель куни бўлиб ўтади.
«У юқори даражадаги футболчи. Мен уни жуда яхши таниyman, майдонда кўп бор тўқнаш келганмиз, суҳбатлашганмиз. Мен учун у барча даврларнинг энг яхши ярим ҳимоячиларидан бири: албатта, мен турли авлодларни ўзаро солиштира олмайман, лекин у сўнгги 20 йилликнинг энг зўрларидан бири эканлиги шубҳасиз.
Ўйлашимча, Хорватия терма жамоаси ва «Реал»га қарши баҳсларда у билан камида 20 марта тўқнаш келганман. Ҳозир у «Милан»да ўйнамоқда. Мен учун Лука — фантастик футболчи ва ажойиб инсон. Шунингдек, унинг намунави оиласи бор», — деди Де Брюйне.
2025/2026 йилги мавсумда «Милан» яримҳимоячиси Лука Модрич барча турнирлар доирасида 32 та ўйинда майдонга тушиб, 2 та гол урди ва 3 та голли узатмани амалга оширди.
Айни дамда А Серия турнир жадвалида «Наполи» 62 очко билан учинчи ўринни эгаллаб турибди. «Милан» эса 63 очко билан иккинчи поғонада бормоқда. Лигада 69 очко жамғарган «Интер» якка пешқадамлик қилмоқда.
