Kevin De Bruyne: «Luka Modrich — so‘nggi 20 yillikning eng yaxshilaridan biri»
«Napoli» yarimhimoyachisi Kevin De Bryuyne Italiya A Seriyasining 31-turidan o‘rin olgan «Milan»ga qarshi bahs oldidan raqib jamoa xavbeki Luka Modrich haqida o‘z fikrlarini bildirdi. Jamoalar o‘rtasidagi uchrashuv dushanba, 6 aprel kuni bo‘lib o‘tadi.
«U yuqori darajadagi futbolchi. Men uni juda yaxshi taniyman, maydonda ko‘p bor to‘qnash kelganmiz, suhbatlashganmiz. Men uchun u barcha davrlarning eng yaxshi yarim himoyachilaridan biri: albatta, men turli avlodlarni o‘zaro solishtira olmayman, lekin u so‘nggi 20 yillikning eng zo‘rlaridan biri ekanligi shubhasiz.
O‘ylashimcha, Xorvatiya terma jamoasi va «Real»ga qarshi bahslarda u bilan kamida 20 marta to‘qnash kelganman. Hozir u «Milan»da o‘ynamoqda. Men uchun Luka — fantastik futbolchi va ajoyib inson. Shuningdek, uning namunali oilasi bor», — dedi De Bryuyne.
2025/2026 yilgi mavsumda «Milan» yarimhimoyachisi Luka Modrich barcha turnirlar doirasida 32 ta o‘yinda maydonga tushib, 2 ta gol urdi va 3 ta golli uzatmani amalga oshirdi.
Ayni damda A Seriya turnir jadvalida «Napoli» 62 ochko bilan uchinchi o‘rinni egallab turibdi. «Milan» esa 63 ochko bilan ikkinchi pog‘onada bormoqda. Ligada 69 ochko jamg‘argan «Inter» yakka peshqadamlik qilmoqda.
