Кертис Жонс “Интер”га трансферини якунлаш учун Миланга етиб келди
“Ливерпул” ярим ҳимоячиси Кертис Жонс “Интер”га ўтишини якунлаш учун Миланга етиб келди. Журналист Николо Скира маълумотига кўра, 24 ёшли англиялик футболчи тиббий кўрикдан ўтиб, шундан сўнг Италия клуби билан шартнома имзолайди.
“Интер” Жонс трансфери учун “Ливерпул”га 30 миллион евро тўлайди, яна 5 миллион евро бонуслар кўзда тутилган. Бундан ташқари, мерсисайдликлар футболчи келажакда бошқа клубга сотилса, трансфер суммасининг 10 фоизини олади. Жонс билан 2031 йилгача шартнома имзоланиши кутилмоқда.
Англиялик ярим ҳимоячи “Ливерпул” академиясида тарбия топган ва клуб тизимида 16 йил фаолият юритган. Ўтган мавсумда у барча мусобақаларда 49 та учрашувда майдонга тушиб, 3 та гол ва 3 та голли узатма қайд этди.
Маълумот учун, Жонс 22-август куни “Сан-Сиро” стадионига келиб, “Интер”нинг А Серия 1-турида “Монца”га қарши учрашувини трибунадан кузатиши кутилмоқда. Transfermarkt унинг бозор қийматини 35 миллион еврова баҳоламоқда.
