Керрик Кунянинг нега «Брентфорд»га қарши ўйнамаётганини тушунтирди
Ҳозирда «МЮ» АПЛ турнир жадвалида учинчи ўринни эгаллаб турибди.
ФОТО: Getty Images
«Манчестер Юнайтед» бош мураббийи Майкл Керрик Англия Премьер-лигасининг 34-туридан ўрин олган «Брентфорд»га қарши ўйин қайдномасида ҳужумчи Матеус Кунянинг нега йўқлигига изоҳ берди.
«Матеуснинг «Челси» билан ўйиндан сўнг сон қисмидаги букувчи мушакларида бироз оғриқ бор эди. Шу ҳафтада уни тезроқ тиклантириш учун имкониятлар бўлганди, бироқ у ўз вақтида оптимал ҳолатга қайта олмади. Ҳеч қандай жиддий жароҳат йўқ, шунчаки бугунги ўйинни ўтказиб юборади», — деди Керрик.
Айни дамда «Манчестер Юнайтед» 58 очко билан Англия юқори дивизиони турнир жадвалида учинчи ўринни эгаллаб турибди. «Брентфорд» эса 48 очко билан тўққизинчи поғонадан жой олган.
Насрулло Каримов
Журналист