Кэррик: «Ҳимоядаги ўйинимизни яхшилаш ва янада кучайиш устида ишлашимиз керак»
«Манчестер Юнайтед» бош мураббийи Майкл Кэррик Чемпионлар лигаси умумий босқичининг 2-турида «Атлетико» Мадридга қарши кечган ва 0:2 ҳисобидаги мағлубият билан якунланган учрашув ҳақида фикр билдирди.
«Биз ўйинни ёмон бошладик ва қийин вазиятга тушиб қолдик. Аммо Рашфорд, Бруну, Мбемо ва бошқа футболчилар ҳисобни тенглаштиришлари мумкин эди. Менимча, бу ерда гап ўзига бўлган ишончсизликда эмас. Шунчаки, аввалги ўйинлардаги каби ўз имкониятларимиздан фойдалана олмадик. Ҳимоядаги ўйинимизни яхшилаш ва янада кучайиш устида ишлашимиз керак.
Ўтказиб юборилган голдан кейин жамоа муносиб реакция кўрсатди, деб ўйлайман. Ўйиннинг айрим қисмларида назоратни қўлга олдик ва вазиятлар яратдик. Бу борада «Атлетико»га қарши майдонга тушадиган айрим бошқа жамоаларга қараганда яхшироқ ҳаракат қилдик.
Шубҳасиз, натижалар биз кутгандек бўлмаяпти. Аммо жамоа яхши ишламоқда. Хатолар устида ишлашимиз керак, шунда натижалар ҳам келади», — дея Кэррикнинг сўзларини УЕФА расмий сайти келтирмоқда.
