Кейн Уэльсга қарши ўйинни ўтказиб юборади
Ҳужумчи тиззасида оғриқ сезган.
ФОТО: Getty images
Англия терма жамоаси ҳужумчиси Харри Кейн Уэльсга қарши ўртоқлик ўйинини ўтказиб юборади. Бу ҳақда жамоа бош мураббийи Томас Тухель маълум қилди.
“Харри Уэльсга қарши ўйинда майдонга тушмайди. У «Бавария»даги сўнгги ўйинида тиззасида оғриқ сезган. Тўпга зарба бериш унга янада оғриқли бўлади, шу сабабли таваккал қилишни истамадик. Шу сабаб биз унга дам олиш имконини бердик. Ишончим комил, у Латвия билан ўйинга тайёр бўлади”, — деди Тухель.
Маълумот учун, Англия ЖЧ-2026 саралаш босқичидаги навбатдаги ўйинини 14 октябр куни Латвияга қарши ўтказади.
Розикжон Султонмуродов
Журналист
