Кейн: «Совринлар ҳеч қачон осонликча қўлга киритилмайди»
«Бавария» форварди навбатдаги титули ҳақида фикр билдирди.
ФОТО: Getty Images
«Бавария» ҳужумчиси Харри Кейн жамоасининг жорий мавсумдаги совринлар учун кураши ҳақида фикр билдирди. Аввалроқ англиялик футболчи мюнхенликларга ўз тарихидаги 35-чемпионликни қўлга киритишда ёрдам берган эди.
«Мен жуда хурсандман, жамоамиздан, мураббийлар, ходимлар ва бир мақсад йўлида интилаётган барчадан мамнунман. Албатта, бу мавсумда ҳали курашадиган мақсадларимиз борлиги қувонарли ҳолат.
Совринлар ҳеч қачон осонликча қўлга киритилмайди. Кўпинча ҳамма биздан ҳар йили ғолибликни кутади, аммо бу машаққатли меҳнат ва фидойиликни талаб қилади. Энди биз чемпионат, Германия Кубоги ва Чемпионлар Лигасини юқори нотада якунлашимиз керак», — дея Кейннинг сўзларини келтирмоқда журналист Флориан Плеттенберг.
Насрулло Каримов
Журналист