Кейн Месси ва Роналдунинг натижасини такрорлашни мақсад қилган
«Бавария» ҳужумчиси Харри Кейн Лионель Месси ва Криштиану Роналду эришган натижани такрорлаш истаги ҳақида гапирди.
Кейн фаолияти давомида икки марта Европа миллий чемпионатларида энг яхши тўпурар бўлган. Агар англиялик футболчи яна бир бор «Олтин бутса»ни қўлга киритса, Месси ва Роналду қаторига қўшилади. Ҳозирча улардан бошқа ҳеч бир футболчи ушбу совринни уч марта қўлга киритмаган.
«Месси ва Роналду бутун бир авлод давомида футболда ҳукмронлик қилишди. Улар тарихдаги энг буюк футболчилардан бири. Улар билан бир рўйхатда бўлишнинг ўзига хос аҳамияти бор. Бу менинг мақсадларимдан бири.
Ҳужумчидан доимо голлар кутилади. Албатта, «Олтин бутса» менинг ягона мақсадим эмас. Аммо агар уни қўлга киритсам, жамоамга ҳам ёрдам берган бўламан», — деди Кейн MARCA нашрига.
Янги мавсумда Кейн барча турнирларда олтита учрашувда майдонга тушиб, тўртта гол урди ва бирта голли узатмани амалга оширди.
