Кейн Бундеслигада 100-голини турнир тарихида энг тез урган футболчи бўлди
100 та гол уриш учун футболчига 98 та ўйин кифоя қилди.
ФОТО: Getty images
Мюнхеннинг «Бавария» клуби ҳужумчиси Харри Кейн Бундеслигадаги 100-голини урди ва ушбу натижага турнир тарихида бошқалардан кўра тезроқ эришди.
33 ёшли инглиз ҳужумчиси бу натижани Бундеслиганинг 4-турида «Унион»га қарши учрашувда қайд этди. Мюнхендаги «Арена Мюнхен» стадионида ўтказилган баҳсда Кейн 39-дақиқада пенальтини аниқ амалга оширди.
100 та гол уриш учун футболчига 98 та ўйин кифоя қилди. Шу тариқа, Кейн Бундеслигада 100 голлик маррага энг тез етган футболчига айланди.
Учрашув «Бавария»нинг 7:0 ҳисобидаги йирик ғалабаси билан якунланди. Кейн баҳсда дубль қайд этди.
Бундеслигадаги тўртта турдан сўнг «Бавария» 10 очко билан турнир жадвалида биринчи ўринда бормоқда. «Унион» эса бир очко билан 16-поғонада.
