Кейн биринчи, Салоҳ олтинчи, Роналду ва Месси ўнликда йўқ — 30 ёшдан ошган энг қиммат футболчилар рейтинги тузилди
Нуфузли Transfermarkt интернет-портали 30 ёшдан ошган энг қиммат 10 нафар футболчи рейтинги янгиланди. Ушбу рўйхатда Мюнхеннинг «Бавария» клуби ҳужумчиси, 32 ёшли Харри Кейн пешқадамлик қилмоқда — унинг бозор қиймати 65 млн евро деб баҳоланган.
Иккинчи ўринда Кейннинг жамоадоши, 30 ёшли германиялик яримҳимоячи Йозуа Киммих (40 млн евро), учинчи поғонада эса «Манчестер Юнайтед» футболчиси, 31 ёшли португалиялик Бруну Фернандеш (40 млн евро) жой олган.
30 ёшдан ошган энг қиммат футболчилар ТОП-10:
Харри Кейн («Бавария», 32 ёш) — 65 млн евро
Йозуа Киммих («Бавария», 30 ёш) — 40 млн евро
Бруну Фернандеш («Манчестер Юнайтед», 31 ёш) — 40 млн евро
Давид Рая («Арсенал», 30 ёш) — 35 млн евро
Маркиньос («ПСЖ», 31 ёш) — 30 млн евро
Муҳаммад Салоҳ («Ливерпуль», 33 ёш) — 30 млн евро
Андре Замбо Ангисса («Наполи», 30 ёш) — 27 млн евро
Бернарду Силва («Манчестер Сити», 31 ёш) — 27 млн евро
Жоау Палинья («Тоттенхэм», 30 ёш) — 25 млн евро
Жек Грилиш («Эвертон», 30 ёш) — 25 млн евро
Қайд этиш жоизки, футбол тарихи афсоналари — португалиялик Криштиану Роналду (12 млн евро) ва аргентиналик Лионел Месси (15 млн евро) ушбу рейтингдан ўрин олмаган.
