Кейн «Бавария» билан учинчи совринини қўлга киритди
Ҳарри кетма-кет иккинчи бор Германия чемпионига айланди.
ФОТО: Getty images
Ҳарри Кейн «Бавария» сафида яна бир совринни қўлга киритди. Мюнхен клуби Бундеслига 30-тури доирасида «Штутгарт»ни (4:2) мағлуб этиб, муддатидан аввал чемпионликни расмийлаштирди.
Шу тариқа, Кейн кетма-кет иккинчи бор Германия чемпионига айланди. Бундан аввал у «Бавария» билан Суперкубокни ҳам қўлга киритган эди.
Қайд этиш жоиз, бу 32 ёшли ҳужумчининг фаолиятидаги учинчи соврин бўлди.
Маълумот учун, Кейн аввал «Тоттенҳэм» ва Англия миллий жамоаси сафида тўп тепган даврида катталар даражасида бирорта ҳам соврин юта олмаган эди.
Розикжон Султонмуродов
Журналист