Кейн «Барселона»га ўтмайди
Унинг амалдаги шартномаси 2027 йилгача мўлжалланган.
ФОТО: Getty images
Ҳарри Кейн жорий ёзги трансфер ойнасида «Барселона»га ўтмайди. Бу ҳақда инсайдер Решад Рахман ижтимоий тармоқда маълум қилди.
Манбага кўра, каталонияликлар Кейннинг «Бавария»даги фаолиятидан тўлиқ мамнун экани ҳақида хабар олган. Шунингдек, англиялик ҳужумчи яқин вақт ичида мюнхенликлар билан шартномасини узайтириши кутилмоқда.
Эслатиб ўтамиз, Кейн «Бавария» сафига 2023 йил ёзида келиб қўшилган. Унинг амалдаги шартномаси 2027 йилгача мўлжалланган.
2025/26 йилги мавсумда Англия терма жамоаси сардори «Бавария» сафида барча мусобақаларда 51 та учрашувда иштирок этиб, 61 та гол урди ва 7 та голли узатмани амалга оширди.
Transfermarkt маълумотларига кўра, ҳужумчи жаҳон футболидаги энг самарали футболчилардан бири бўлиб қолмоқда.
Розикжон Султонмуродов
Журналист