Keyn «Barselona»ga o'tmaydi
Harri Keyn joriy yozgi transfer oynasida "Barselona"ga o'tmaydi. Bu haqda insayder Reshad Rahman ijtimoiy tarmoqda ma'lum qildi.
Manbaga ko'ra, kataloniyaliklar Keynning "Bavariya"dagi faoliyatidan to'liq mamnun ekani haqida xabar olgan. Shuningdek, ingliz hujumchisi yaqin vaqt ichida myunxenliklar bilan shartnomasini uzaytirishi kutilmoqda.
Eslatib o'tamiz, Keyn "Bavariya" safiga 2023 yil yozida kelib qo'shilgan. Uning amaldagi shartnomasi 2027 yilgacha mo'ljallangan.
2025/26 yilgi mavsumda Angliya terma jamoasi sardori "Bavariya" safida barcha musobaqalarda 51 ta uchrashuvda ishtirok etib, 61 ta gol urdi va 7 ta golli uzatmani amalga oshirdi.
Transfermarkt ma'lumotlariga ko'ra, hujumchi jahon futbolidagi eng samarali futbolchilardan biri bo'lib qolmoqda.