Кейн: «Албатта, мақсадимиз – Жаҳон чемпионатида ғалаба қозониш»
Мюнхеннинг “Бавария” клуби ва Англия терма жамоаси ҳужумчиси Харри Кейн миллий жамоанинг 2026-йилги жаҳон чемпионатидаги имкониятларини баҳолади.
“Албатта, мақсадимиз – ғалаба қозониш. Бу қийин бўлишини биламиз, лекин сўнгги йилларда йирик турнирда ғалаба қозонишга яқин келдик: биз икки марта Европа чемпионати финалида, жаҳон чемпионатининг ярим финали ва чорак финалида ўйнадик… Бу йил бизда янги мураббий бўлади”, – дея Кейннинг сўзларини келтиради L'Équipe.
Футбол бўйича 2026-йилги жаҳон чемпионати 11-июндан 19-июлгача АҚШ, Канада ва Мексикада бўлиб ўтади. Амалдаги жаҳон чемпиони Аргентина терма жамоаси ҳисобланади. 2022-йилги жаҳон биринчилиги финалида Аргентина терма жамоаси Францияга қарши майдонга тушган. Ўйиннинг асосий вақти 3:3 ҳисоби билан якунланган, бироқ пенальтилар сериясида аргентиналиклар кучлироқ чиқди (4:2).
