«Каттақўрғон» жамоаси ўз уй учрашувларини Самарқанддаги Афросиёб Аренада ўтказади
“Афросиёб Арена” 2004-йилда қуриб битказилган.
Фото: Про-лига
“Каттақўрғон” клуби Про-лига доирасидаги “Арал” жамоасига қарши учрашувини Самарқанд шаҳридаги “Афросиёб Арена”да ўтказади. Клуб қисқа вақт ичида ушбу стадионга вилоят спорти равнақи йўлида сармоя киритиб, уни Про-лига талабларига мос ҳолатга келтирди – майдон чими парвариш қилинди, стадион трансляция қилиш учун мослаштирилди. Натижада “Афросиёб Арена” юқори даражадаги футбол учрашувларини қабул қилиш имкониятига эга бўлди.
Каттақўрғон туманидаги реконструкция қилинаётган стадион тўлиқ тайёр бўлгунга қадар, жамоа ўз уй учрашувларини Самарқанддаги ушбу аренда ўтказади.
Маълумот учун, “Афросиёб Арена” 2004-йилда Универсиада–2004 Республика талабалар спорт ўйинларини ўтказиш мақсадида қуриб битказилган.
Розикжон Султонмуродов
Журналист
