Касемиро: \"Интер Майами\" учун боримни бераман\"
34 ёшли футболчи "Интер Майами" билан 2027-йил MLS мавсуми охиригача шартнома имзолади.
Фото: Getty Images
Бразилиялик ярим ҳимоячи Касемиро "Интер Майами"га ўтганидан сўнг янги клуби ҳақида илк фикрларини билдирди.
"Ҳар бир футболчи каби мени ҳам энг кўп илҳомлантирадиган нарса — ғалаба қозониш ва доимий ривожланиш. Клуб менга тақдим этган лойиҳа ва мени бу ерга олиб келиш учун қилган саъй-ҳаракатлари мен учун жуда катта аҳамиятга эга.
Менга билдирилган ишонч учун миннатдорман. Бу ишончни оқлаш учун нафақат ўйинларда, балки ҳар бир машғулотда ҳам бор кучимни бераман", — деди Касемиро.
34 ёшли футболчи "Интер Майами" билан 2027-йил MLS мавсуми охиригача шартнома имзолади. Битимни 2029-йилгача узайтириш имконияти ҳам мавжуд.
Насрулло Каримов
Журналист