Карло Анчелоттининг Винисиус бўйича махсус режаси бор — манба
Бразилия терма жамоаси бош мураббийи Карло Анчелоттининг миллий жамоа вингери Винисиус Жуниорни майдонда ишлатиш бўйича махсус режаси бор, деб хабар бермоқда Globo нашри.
Футболчига ҳужумда эркинлик бериш ва қарши ҳужумларда асосий фигурага айлантириш мақсадида, Винисиус жамоа тўпга эгалик қилаётган вақтда чап қанот вингери, жамоа ҳимояланаётганда эса марказий ҳужумчи позициясида ўйнайди.
Эслатиб ўтамиз, футбол бўйича 2026-йилги Жаҳон чемпионати 11-июндан 19-июлгача АҚШ, Канада ва Мексика майдонларида бўлиб ўтмоқда. Амалдаги жаҳон чемпиони Аргентина терма жамоаси ҳисобланади. 2022-йилги дунё биринчилиги финалида аргентиналиклар Францияга қарши баҳс олиб боришган. Ўйиннинг асосий вақти 3:3 ҳисобига якунланган, бироқ пенальтилар сериясида аргентиналиклар кучлироқ чиққан (4:2).
Маълумот учун, Бразилия терма жамоаси Жаҳон чемпионатидаги илк учрашувини Марокашга қарши ўтказади. Ўйин 14-июн куни бўлиб ўтади.