Карло Анчелотти мағлубиятдан сўнг матбуот анжуманида қатнашмади
Бразилия миллий терма жамоаси бош мураббийи Карло Анчелотти ЖЧ-2026 нимчорак финалидаги мағлубиятдан сўнг, режалаштирилганидек микст-зонада ОАВ ходимлари билан учрашиш учун кўринмади. Италиялик мутахассис ўйин якунланиши билан тўғри кийиниш хонасига йўл олган.
Микст-зонада Карло Анчелоттининг ўрнига унинг ёрдамчиси ва ўғли Давиде Анчелотти журналистларнинг саволларига жавоб бермоқда. Бу ҳақда The Touchline нашри X ижтимоий тармоғида маълум қилди.
Эслатиб ўтамиз, ЖЧ-2026 1/8 финал босқичида Бразилия терма жамоаси Норвегияга 1:2 ҳисобида имкониятни бой бериб, мусобақадаги иштирокини муддатидан аввал якунлади. Норвегияликлар сафида Эрлинг Холанд дубл қайд этган бўлса, бразилияликларнинг ягона жавоб голини пеналтидан Неймар киритди.
Мундиалнинг чорак финалида Норвегия терма жамоаси Мексика – Англия жуфтлиги ғолиби билан ярим финал йўлланмаси учун куч синашади. Аввалроқ, 1/16 финал босқичида Бразилия Япония тўсиғидан ўтган (2:1), Норвегия эса Кот-д`Ивуар устидан ғалаба қозонган эди (2:1).